გაკვეთილის გეგმა, "ამირანი".

გაკვეთილის გეგმა                                                    ნინო ინაიშვილი

გაკვეთილის თემა	სვანური მითი „ამირანი“ (I ნაწილი)
სწავლების საფეხური/ კლასი საგნის დასახელება	დაწყებითი საფეხური, მე-4 კლასი ქართული ენა და ლიტერატურა
მოსწავლეთა რაოდენობა	22
აქტივობის მიზნები და მისაღწევი შედეგები	·         გაიხსენებენ ბერძნულ-რომაულ მითებს და მათი მახასიათებლების განზოგადების გზით გაეცნობიან მითოლოგიის სპეციფიკას; ·         აღმოაჩენენ მსგავსებებსა და განსხვავებებს მითებსა და ზღაპრებს შორის; ·         გაეცნობიან ქართული მითოლოგიის გმირებს -ქალღმერთ დალისა და ამირანს; ·         გაიმდიდრებენ ლექსიკურ მარაგს და ფაქტობრივ ცოდნას; ·         გაიუმჯობესებენ შემოქმედებითი აზროვნების უნარს.
ეროვნული სასწავლო გეგმით განსაზღვრული მისაღწევი შედეგები⁄იდიკატორები	·          მოსწავლე ადეკვატურად აღიქვამს სხვადასხვა სახის ტექსტს და გადმოსცემს მათ შინაარს.(ქართ. IV. 1.) ·         მოსწავლე გამოხატავს საკუთარ დამოკიდებულებას მხატვრული ნაწარმოების მიმართ. (ქართ. IV.2) ·         მოსწავლე დამოუკიდებლად კითხულობს სხვადასხვა თემაზე შექმნილ მხატვრულ ტექსტებს. (ქართ. IV. 5.) ·         ინფორმაციის მოსაძიებლად და კონკრეტული საკითხის დასამუშავებლად მოსწავლე იყენებს სხვადასხვა სტრატეგიას. (ქართ. IV.7.) ·         მოსწავლე წინადადების აგებისას იყენებს გრამატიკული და ორთოგრაფიული თვალსაზრისით სწორ ფორმებს და იცავს პუნქტუაციის ძირითად წესებს. (ქართ. IV. 10.)
გაკვეთილის მსვლელობა	A.   გამოწვევის ფაზა             აქტოვობა 1: კლასის ორგანიზება.  (1 წთ.) აქტივობა 2 :შეფასების კრიტერიუმების გაცნობა; (1 წთ.) გამოვიყენებ განმსაზღვრელ და განმავითარებელ შეფასებას (სიტყვიერი კომენტარი და სტიკერები); აქტივობა 3: შესავალი სიტყვა. მოსწავლეებს განწყობასა და მზაობას ვუქმნი განსახილველი მითის შესწავლისათვის. ყურადღებას ვამახვილებ მითოლოგიის მნიშველობაზე, ბერძნულ-რომაულ მითოლოოგიასთან შედარების გზით ვსაუბრობ ქართული მითების სპეციფიკაზე  (3-5 წთ.) აქტივობა 4: ფრონტალური შეკითხვების დასმით გამოვიკითხავ საშინაო დავალებას (ოვიდიუსის „ნარცისი“). კითხვები შეეხება ტექსტის როგორც ფორმობრივ, ასევე იდეურ მხარეს. (10-15 წთ.) კითხვები: 1.    ვინ არის ნარცისი? 2.     როგორ შეხვდა ნარცისი ექო ნიმფას? 3.    ექო ნიმფას ნარცისის დახმარება სურდა. ნიმფას ხასიათის რომელ თვისებაზე მიანიშნებს ეს? 4.    რატომ არ მიიღო ნარცისმა დახმარება? 5.    როგორ დაიღუპა ნარცისი? 6.    რა სიმბოლური დატვირთვა აქვს ნარცისის ყვავილად, ნარგიზად გარდაქმნას? 7.    ტექსტის მიხედვით ნარცისის ხასიათის რა თვისებები იკვეთება? როგორ შეაფასებდით მათ? 8.    რა გითხრათ ნარცისის ისტორიამ? 9.    შეგიძლიათ გაიხსენოთ ადამიანი ან ლიტერატურული პერსონაჟი, რომელიც ნარცისთან ავლენს მსგავსებას? აქტივობა 5: გამოვიკითხავ საშინაო წერით დავალებას. 2-3 მოსწავლეს წავაკითხინებ წერილს, რომელიც ნარცისისთვის უნდა მიეწერათ; (4 წთ.) აქტივობა 6: რომელიმე ერთ მოსწავლეს ვაჯამებინებ  საუბარს; (1-2წთ.) B.წვდომის ფაზა აქტივობა 7: გონებრივი იერიშის გამოყენებით გავიხსენებთ მითის ძირითად მახასიათებლებს; ამასთან, ვენის დიაგრამის გამოყენებით დავადგენთ მითებისა და ზღაპრების მსგავსება-განსხვავებას; (3-4 წთ.)   აქტივობა 8: ევრისტიკული (საუბრის) მეთოდის გამოყენებით მოსწავლეებს შევახსენებ  ქართული მითოლოგიის გმირების - ქალღმერთი დალისა და ამირანის შესახებ; (2-3 წთ.) აქტივობა 9: პაუზებით კითხვისა და კომენტირებული კითხვის მეთოდის გამოყენებით კლასშივე ვამუშავებთ შესასწავლ ტექსტს (მოსწავლე კითხულობს აბზაცს და თანაკლასელებთან ერთად განმარტავს მის შინაარს.მოსწავლეები პარალულურად  მუშაობენ ლექსიკონზე. უცნობ სიტყვებს გახაზავენ, კონტექსტის მიხედვით ცდილობენ მათი მნიშვნელობის დადგენას); (10-12 წთ.) C.რეფლექსიის ფაზა აქტივობა 9: თავს ვუყრი, ვაჯამებ ახსნილ მასალას. (2 წთ.) აქტივობა 10 : საშინაო დავალება (1 წთ.) 1.    „ამირანის“ პირველი ნაწილი თხრობით; 2.    გეგმის მიხედვით შინაარსის წერილობით გადმოცემა; 3.    ახალი სიტყვების გამოყენებით წინადადებების შექმნა.
მოსწავლეების წინასწარი ცოდნა	მოსწავლეები ფლობენ ინფორმაციას ბერძნულ-რომაული მითოლოგიის შესახებ. იცნობენ სხვადასხვა მითოლოგიურ პერსონაჟს.
სასწავლო მასალა და ტექნიკური რესურსები	კლასგარეშე საკითხავი ლიტერატურა, მე-4 კლასის სახელმძღვანელო (ავტორ-შემდგენლები: ბელა სარია, ეთერ აფხაზავა) ; მითოლოგია, მე-8 კლასის სახელმძღვანელო (ავტორ-შემდგენლები: ზურაბ კიკნაძე, ნანა ტონია); დამჭირდება : დაფა, ცარცი, სახელმძღვანელოები და კალმები.