გაკვეთილის გეგმა, "ანანური".

გაკვეთილის  გეგმა

გაკვეთილის თემა	ტიციან ტაბიძის ლექსი „ანანური“
სწავლების საფეხური/ დისციპლინა ან ინტეგრირებული საგნების დასახელება	საშუალო საფეხური, მე-12 კლასი ქართული ენა და ლიტერატურა
მოსწავლეთა რაოდენობა	15
აქტივობის მიზნები და მისაღწევი შედეგები	·         გაიხსენებენ ბოიგრაფიულ ცნობებს ტიციან ტაბიძის შესახებ; აგრეთვე, მე-20 საუკუნის ლიტერატურულ ატმოსფეროს; ·         გაეცნობიან თამუნია წერეთლის პიროვნებასა და ცხოვრებას; ·         გაანალიზებენ ლექსი „ანანურის“ იდეა-ჩანაფიქრს; ·         განიხილავენ ლექსი „ანანურის“ მხატვრულ-გამომსახველობით საშუალებებს; ·         გაიმდიდრებენ ლექსიკურ მარაგს და ფაქტობრივ ცოდნას გარკვეული ისტორიული ძეგლებისა თუ პიროვნებების შესახებ; ·         გაიუმჯობესებენ დამოუკიდებლად მუშაობის უნარს; ·         ჯგუფებში მუშაობის შედეგად განივითარებენ სოციალურ უნარებს.
ეროვნული სასწავლო გეგმით განსაზღვრული მისაღწევი შედეგები⁄იდიკატორები	·         მოსწავლე ადარებს ერთმანეთს სხვადასხვა ტექსტში ასახულ ფასეულობებს და შეხედულებებს (ქართ. XII. 6.) ·         მოსწავლე აანალიზებს კულტურული, სოციალური და ისტორიული ფასეულობების გავლენას ტექსტსა და მის ინტერპრეტაციაზე (ქართ. XII. 7.) ·         მოსწავლე აანალიზებს მხატვრული სახის შესაქმნელ ენობრივ საშუალებებს (ქართ. XII.8.) ·         მოსწავლე წერს მხატვრული ტექსტის ანალიზს (ქართ. XII. 13.) ·         მოსწავლე იყენებს წერის სათანადო სტრატეგიებს (ქართ. XII. 14)
გაკვეთილის მსვლელობა	აქტოვობა 1: კლასის ორგანიზება -2წთ. აქტივობა 2 :შეფასების კრიტერიუმების გაცნობა -1წთ. აქტივობა 3: „გონებრივი იერიშის“ გამოყენებით მოსწავლეებს განწყობასა და მზაობას ვუქმნი ასახსნელი ლექსის პრობლემატიკის სწორად გასააზრებლად. („გონებრივი იერიშის“ საკვანძო სიტყვა იქნება „მუზა“) -3-4 წთ. აქტივობა 4: პროგრამა Power-point -ის გამოყენებით მოსწავლეებს ვაჩვენებ სლაიდებს ტიციან ტაბიძისა და  თამუნია წერეთელის  შესახებ. გამოვკვეთ თამუნია წერეთლის სახის მნიშვნელობას არამარტო ტიციანის, არამედ მე-20 საუკუნის დასაწყისის ქართულ ლიტერატურაში. თხრობის მეთოდის გამოყენებით მოსწავლეებს გადავცემ ინფორმაციას ტიციანის და თამუნიას ცხოვრების გზების გადაკვეთის შესახებ;9-10წთ. აქტივობა 5: მოსწავლეებს ვუკითხავ ტიციან ტაბიძის ლექსს „ანანური“ და ისევ პროგრამა power-point-ის გამოყენებით სლაიდზე გამომაქვს ინფორმაცია ლექსში დასახელებული ისტორიული ძეგლებისა თუ პიროვნებების შესახებ. მოკლედ ვაანალიზებ ლექსის მთავარ იდეა-ჩანაფიქრს. 9-10წთ. აქტივობა 6: მოსწავლეებს ვავალებ ლექსიდან დამოუკიდებლად ამოიწერონ ტროპის სახეები. დროის დაზოგვის მიზნით ვაძლევ ინსტრუქციას მათი შესაძლო რაოდენობის შესახებ. 2 წთ. აქტივობა 7: ფრონტალური კითხვების დასმით ვარკვევ რამდენად სწორად შეძლეს დამოუკიდებელი დავალების (სავარჯიშოს) შესრულება. მოსწავლეებთან ერთად მოკლედ მიმოვიხილავ თითოეული გამომსახველობითი საშუალების მიზანდასახულობას. 2წთ. აქტივობა 8: მოსწავლეებს ვყოფ ჯგუფებად (სამ ხუთკაციან ჯგუფად) და ვაწვდი ტიციანის მიერ თამუნია წერეთლისადმი მიძღვნილ სამ განსხვავებულ ლექსს. (პირველ ჯგუფს 1925 წლით დათარიღებულ ლექსს „თამუნია წერეთელს“, მეორე ჯგუფს 1926 წლით დათარიღებულ ლექსს „თამუნია წერეთელს“, ხოლო მესამე ჯგუფს 1929 წლით დათარიღებულ ლექსს „თამუნია წერეთელს“. თითოეული ლექსი წინასწარ მაქვს ამობეჭდილი თაბახის ფურცელზე, რომელსაც ერთვის მცირე ლექსიკონი და მნიშვნელოვანი მითითებები ლექსის შესახებ). მოსწავლეებს ვავალებ გაანალიზონ მათი ჯგუფისთვის განკუთვნილი ლექსი და იპოვონ მიმართება-განსხვავება ლექსთან „ანანური“. 6-7წთ. აქტივობა 9 : ჯგუფებში ნამუშევრის პრეზენტაცია; 5წთ. აქტივობა 10 : თავს ვუყრით, ვაჯამებთ ახსნილ მასალას შემდეგი კითხვების მიხედვით: 1.      რატომ მოაგონდება პოეტს სატრფო ანანურთან? 2.      რისი თქმა სურს ავტორს თეთრი და შავი არაგვის შერთვით? 3.      ვინ არის ვრუბელი და რასთან დაკავშირებით მოიხმობს მის სახელს პოეტი? 4.      რას ნიშნავს „ასე კვდებოდა, ალბათ, ათასი“? როგორს სიკვდილს გულისხმობს პოეტი? 5.      ლექსის მიხედვით რა არის „მგოსნობის ფასი“? 3-4წთ. აქტივობა 11: საშინაო დავალება: 1.      ლექსი „ანანური“ ზეპირად და მისი მხატვრულ-ენობრივი ანალიზი. 2.      ესსე - „წერილი შორეულს“. 1წთ.
მოსწავლეების წინასწარი ცოდნა	მოსწავლეები ფლობენ ინფორმაციას ტიციან ტაბიძის ცხოვრება-მოღვაწეობის შესახებ. იცნობებ მის ლექსს „მეწყერი“ . მოსწავლეებმა ფლობენ ინფორმაციას სიმბოლიტური ლიტერატურული მიმართულებისა და მისი ევროპელი წარმომადგენლების შესახებ (შარლ ბოდლერი, სტეფან მალარმე, ბორის პასტერნაკი და სხვ.) მოსწავლეები განარჩევენ ტროპის სახეებს.
სასწავლო მასალა და ტექნიკური რესურსები	„ქართული ენა და ლიტერატურა“, მე-12 კლასის სახელმძღვანელო; მაია ჯალიაშვილი, ქართველი მწერლები სკოლაში. თამატ პაიჭაძე, ქართველი ლირიკოსები. ტიციან ტაბიძე, თოერიული წერილი „ცისფერი ყანწებით“. http://mastsavlebeli.ge/ დამჭირდება : პორტატული კომპიუტერი, პროექტორი, დაფა, ცარცი, თაბახის ფურცლები, მარკერები.